ശ്രീ മഹാദേവന്റെ ശ്രീകോവിലിനു പിറകിലായി പടിഞ്ഞാറ്‌ ദർശനമായി അന്നപൂർണേശ്വരിയായ ശ്രീ പാർവ്വതി കുടികൊള്ളുന്നു. സ്വയംവരപാർവ്വതി ഭാവത്തിലാണ്‌ ഇവിടെ ദേവിയേ പ്രതിഷ്ടിച്ചിരിക്കുന്നത്‌.

ശിവപുത്രനായ ഗണപതി ഇവിടെ ഉണ്ണിഗണപതിയായി ശ്രീ മഹാദേവന്റെ മടിത്തട്ടിൽ ഇരിക്കുന്ന ഭാവത്തിൽ ആണ്‌ ഉള്ളത്‌.

ശനിദോഷ നിവാരകനായ ശ്രീ ധർമ്മശാതാവും ഇവിടെ ശ്രീകോവിലിനരികിൽത്തന്നെ കുടികൊള്ളുന്നു.

ഈ ക്ഷേത്രത്തിലെ വൈഷ്ണവ സങ്കല്പ്പം വളരെ വിശേഷപ്പെട്ടതാണ്‌. എന്തെന്നാൽ പ്രധാന ശ്രീകോവിലിൽ മഹാദേവന്റെ പീഠത്തിൽതന്നെയാണ്‌ വിഷ്ണുവിനെയും പൂജിക്കുന്നത്‌.

നാഗദൈവങ്ങൾക്ക്‌ അതീവ പ്രാധാന്യം കല്പിക്കപ്പെടുന്ന ഒരു മഹാക്ഷേത്രമാണ്‌ ഇത്‌. സർപ്പദോഷങ്ങൾ തീരുവാൻ ധാരാളം ഭക്തജനങ്ങൾ ഇവിടെ കന്നി മാസത്തിലെ ആയില്യം നാളിൽ “ആയില്യം പൂജയും” “നൂറും പാലും” നടത്തിവരുന്നു.

മറ്റ്‌ ക്ഷേത്രങ്ങളെ അപേക്ഷിച്ച്‌ ആതീവ പ്രാധാന്യതയിൽ രക്ഷസ്സിനെ പ്രതിഷ്ടിച്ചിരിക്കുന്ന ഒരു ശിവക്ഷേത്രം കൂടിയാണ്‌ ഇത്‌. ക്ഷേത്രത്തിന്റെ ഉടമസ്ഥനായിരുന്ന യോഗീശ്വരനെയാണ്‌ ഇവിടെ രക്ഷസായി പ്രതിഷ്ടിച്ചിരിക്കുന്നത്‌.

ശിവക്ഷേത്രങ്ങളിൽ അപൂർവ്വമായി ആണ്‌ യക്ഷിപ്രതിഷ്ഠ ഉള്ളത്‌.ഈ ക്ഷേത്രത്തിലെ യക്ഷിക്കും പ്രത്യേകതകൾ എറെ ഉണ്ട്‌.ശിവ ഭക്തയായി സദാ മഹദേവനെ പ്രാർത്ഥിച്ചാണ്‌ യക്ഷി ഇവിടെ കുടി കൊള്ളുന്നത്‌.

പുതിയകാവ്‌ ദേവിക്ഷേത്രത്തിൽ കുടികൊള്ളുന്ന ശൈവഭൂതഗണങ്ങളിൽ ഒരു മൂർത്തിയാണ്‌ ഘണ്ഠാകർണൻ. വറനിവേദ്യവും കരിക്കു നിവേദ്യവുമാണ്‌ പ്രധാന വഴിപാട്‌.

ക്ഷേത്രത്തിൽ കന്നിമൂലയിൽ സർപ്പദൈവങ്ങൾ കുടികൊള്ളുന്നു.കന്നിമാസത്തിൽ ആയില്യം നാളിൽ ആയില്യം പൂജ നടത്തിവരുന്നു.മഞ്ഞൾപ്പൊടി സമർപ്പണമാണ്‌ പ്രധാന വഴിപാട്‌.